"Шахтёр"нинг Арманистонлик ҳужумчиси Генрих Мхитарянга "Барселона" клуби қизиқмоқда, дея хабар беради испан матбуоти.

Тито Виланова бошлиқ жамоа раҳбарларининг фикрича, Мхитарянннинг савияси каталонияликларга мос келади ва Испания чемпионати етакчисининг ўйин услубини тез ўзлаштиради.

Шунингдек, Генрихнинг техник тайёргарлиги юқори ва тезкор ҳужум уюштиришга мослашган. Бу сифатларни "Барса" раҳбарлари қадрлайдилар ва уни Хави ва Фабрегас ўрнида кўрмоқдалар.

Яқин кунларда, аниқроғи қишки тарнсферлар ойнаси чоғида каталонияликларнинг "Шахтёр"га таклифи кутилмоқда ва Мхитаряннга ёзда эга чиқишмоқчи. Унинг каталонияликларга чемпионлар лигасида ёрдам бериши кутилмоқда.

Аввалроқ Арманистон терма жамоаси футболчисига Лондоннинг "Арсенал" ва "Челси" клублари,  Италиянинг "Милан" ва "Фиорентина" клублари, ҳамда Германиянинг "Бавария" клублари қизиқиш билдирган эдилар.