30 декабрь куни “Бунёдкор” азолари 2013 йилги мавсумга қаратилган тайёргарлик режасининг илк босқичини якунладилар.
Янги барпо этилган “Бунёдкор” стадионининг машғулот майдонида ўтказилган тайёргарлик жараёнининг биринчи босқичи икки таркибга бўлинган ҳолда ўтказилган учрашув билан якун топди. Бош мураббий Миржалол Қосимов ўз ихтиёрида бўлган таркибни иккига бўлган ҳолда шогирдларининг бугунги кундаги ҳолатини синовдан ўтказиб олди.
Баҳсда яқиндагина “қалдирғочлар” сафига қўшилишган Олег Зотеев ва Игорь Таран ҳам иштирок этишди. Дарвоқе, Анвар Ғофуров ва Саҳоб Жўраев бироз бетоблиги учун майдонга туша олишмади.
Учрашув 15 дақиқадан тўртта бўлим давом этди. Футболчилар у таркибдан бунисига алмаштирилиб ҳаракат қилишди. Ўйинда 5:3 ҳисоби қайд этилди. Ўз ҳисобларига Игорь Таран, Шавкат Саломов, Лутфулла Тўраев, Жавлон Иброхимов, Сардор Рашидов каби футболчилар гол ёзиб қўйишди.
Бошланғич таркиблар қуйидагича бўлди.
“Бунёдкор-1”: Акбар Тўраев, Акмал Шораҳмедов, Артём Филипосян, Хайрулла Каримов, Олег Зотеев, Шавкат Саломов, Алибобо Раҳматуллаев, Жасур Ҳасанов, Лутфулла Тўраев, Жавлон Иброхимов, Баҳодир Пардаев, Игорь Таран
“Бунёдкор-2”:Игнатий Нестеров, Абдуқаҳҳор Хожиакбаров, Камолиддин Тожибоев, Дилшод Жўраев, Жавлон Мирабдуллаев, Сардор Рашидов, Орифжон Мамажонов, Миразиз Жалолов, Руслан Мельзиддинов, Камолиддин Мурзоев, Анваржон Солиев
Ушбу учрашувдан сўнг Миржалол Қосимов ўз шогирдларига уч кунлик қисқа татил берди. 3 январь куни барча футболчилар яна клуб ихтиёрига қайтадилар ва икки кун давомида пойтахтимизда машғулотлар олиб борилади. Шундан сўнг, яъни 5 январь куни Бирлашган Араб Амирликларига жўнаб кетилади ва икки ҳафта араб диёрида ўқув-машғулот йиғини давом эттирилади.
