Москванинг ЦСКА клуби ярим ҳимоячиси Аббосбек Файзуллаев болаликдаги кумири ким эди, деган саволга жавоб берди.

Ўзбекистонлик футболчи Аргентина ва «Интер Майами» ҳужумчиси Лионель Мессига мухлислик қилишини тан олди.

«Лео Месси. Мен уни нафақат футболчи, балки инсон сифатида ҳам жуда ҳурмат қиламан. Ташқи томондан у камтар ва жуда хотиржам кўринади.

Мен у каби бўлишга интиламан. Агар клуб ҳақида гапирадиган бўлсак, мен «Барселона»ни қўллаб-қувватлайман, деярли ҳар бир ўйинини томоша қиламан.

Позициямда тўп тепаётган футболчилардан ўзим учун янги нарсаларни ўрганишга ҳаракат қиламан», - дея Файзуллаевнинг сўзларини келтиради ЦСКА ПФК расмий сайти.