Мадриднинг «Реал» клуби бош мураббийи Карло Анчелотти «қироллик клуби»нинг айни дамда энг яхши тўпурари бўлган жамоа ярим ҳимоячиси Жуд Беллингем ҳақидаги саволга жавоб берди.
«Беллингемнинг камчиликлари борми? Айни пайтда у ҳеч қандай заиф томонларини кўрсатмади. Унга янада яхшиланиш керак эмас.
У тўпда ҳам, ундан ташқарида ҳам ажойиб ишни бажаради. У жуда яхши жисмоний хусусиятларга эга», - дея Анчелоттининг сўзларини келтиради Madrid Universal.
Жорий мавсумда 20 ёшли ярим ҳимоячи барча турнирларни ҳисобга олган ҳолда 13 учрашувда 13 та гол урди ва 3 та голли узатмани амалга оширди.
