Ҳуқуқлари Леверкузеннинг "Байер" клубига тегишли бўлган ҳимоячи Алехандро Гримальдо "Барселона"нинг қизиқишлари доирасида қолмоқда. Бу ҳақда Todofichajes нашри хабар бермоқда.
"Кўк-анорранглилар" келгуси трансфер ойналарида Алехандрони сотиб олишга ҳаракат қилмоқчи. Transfermarkt Гримальдонинг нархини 25 миллион еврога баҳоламоқда. 28 ёшли испаниялик футболчининг "доришунослар" билан шартномаси 2028 йилнинг июнь ойи охиригача амал қилади.
Ҳимоячи 2023/2024 йилги мавсумни "Байер" билан самарали бошлади. Алехандро ўнта учрашувда қатнашиб, бешта гол ва учта голли узатмани қайд этди.
