"Ливерпул"нинг собиқ ярим ҳимоячиси Дитмар Хаманн "Манчестер Юнайтед"га "Бавария" ва "Лейпциг" клубларининг собиқ бош мураббийи Юлиан Нагельсманн билан музокара олиб боришини маслаҳат берди.
"МЮ"нинг амалдаги бош мураббийи Эрик Тен Хаг мавсумни ёмон бошлаганидан сўнг катта босим остида қолди ва матбуот Эрикнинг ишдан бўшатилиши ҳақида тахмин қилмоқда.
Миш-мишларга кўра, "МЮ" Рубен Аморим ва Зинедин Зиданга қизиқиш билдирмоқда, аммо Хаманн "қизил иблислар" бошқа вариантни кўриб чиқишни таклиф қилмоқда.
"Нагельсманн муваффақиятга эришди ва у “Бавария”да яхши иш қилди.
У келажак мураббийи, у чемпионлар лигасида омадсиз бўлган бўлса-да, совринларни юта олишини аллақачон кўрсатган. У, албатта, яхши таассурот қолдиради" - деди Хаманн Boyle Sports нашрига.
