"Реал" 2023/24 йилги мавсумда биринчи марта гол ура олмади.

“Мадрид” Ла Лиганинг 12-тур учрашувида статистик кўрсаткичлар бўйича “Райо Вальекано”ни сезиларли даражада ортда қолдирди, бироқ учрашув голсиз якунланди (0:0).

Карло Анчелотти шогирдлари 22 та зарба йўллади, шундан 5 таси Столе Димитриевски дарвозасига аниқ етиб келди. "Райо" Кепа Аррисабалагага 4 та зарба берди, бироқ барчаси ноаниқ.

“Реал” 63 фоиз, рақиблар 37 фоиз тўпга эгалик қилди. Кутилаётган голлар (xG) – 0,16 га нисбатан 2,05. Бурчаклар – 11:1. “Райо” 5 та, “Реал” эса 3 та сариқ карточка олди.

Мадридликлар бу мавсумда 15 ўйинда илк бор гол ура олмади.