"Челси" ярим ҳимоячиси Моисес Кайседо Энцо Фернандеснинг вақт ўтиши билан жамоа Англия Премьер-лигасининг энг яхшиларидан бирига айланиши ҳақидаги сўзларига қўшилди.

"100 фоиз қўшиламан. Бу вақт талаб этади. Ҳозир бизга ишонмайдиганлар охир-оқибат шундай қилишади, чунки биз клубни ўзига муносиб ва ​​аввалги жойига олиб бориш учун ҳамма нарсани қиляпмиз», - деди Кайседо Sky Sports билан суҳбатда.

Айни дамда лондонликлар АПЛ турнир жадвалида 12 очко билан еврокубоклар зонасидан 10 очко ортда қолган ҳолда 13-ўринни эгаллаб турибди.

Кейинги беш турда Маурисио Почеттино шогирдлари “Тоттенхэм”, “Манчестер Сити”, “Ньюкасл”, “Брайтон” ва “Манчестер Юнайтед” билан тўқнаш келишади.