Миланнинг "Интер" клуби ва Арманистон терма жамоаси ярим ҳимоячиси Генрих Мхитарян руминиялик мутахассис Мирча Луческунинг мураббийлик фаолиятини якунлаш ҳақидаги қарорига муносабат билдирди.
"Сизга чуқур миннатдорчилигимни билдирмоқчиман. Жаноб, менинг иқтидоримга ишонганингиз учун раҳмат. Ишончингиз учун раҳмат, сиз мени илҳомлантирдингиз ва фаолиятимга катта таъсир ўтказдингиз. Сиз мен учун шунчаки мураббий эмассиз. Сизга энг яхши тилакларимни тилайман", — дейилади арманиялик ярим ҳимоячининг ижтимоий тармоқлардаги хабарида.
Эслатиб ўтамиз, Мхитарян Украинанинг "Шахтёр" клубида Луческу қўл остида ўйнаган.
