Мадриднинг "Реал" клуби "Райо Вальекано" билан ўйинни бошқарган ҳакамлик фаолиятидан норозилигини клуб ТВ орқали билдирди.

Ла Лиганинг 12-туридан ўрин олган ўйинда (0:0) бир нечта баҳсли вазиятлар юзага келди, унда ҳакам Хуан Мартинес Мунуэра карточкалардан воз кечди.

Мадрид клуби телевидениесида улар Мунуэранинг ҳакамлик услубини қоралашди: "Хулоса шундай: шубҳа туғилса, улар ҳуштак чалишмайди. Кимгадир гилам ётқизади, кимгадир тош қўяди".

Тақдимотчилар трансляция операторини баъзи лаҳзалар, хусусан, Винисиус ва Оскар Валентин ўртасидаги тўқнашувнинг такрорий лавҳаларини кўрсатмаётгани учун танқид қилишди.

"Продакшн Mediapro (Ла Лига трансляцияси ҳуқуқини тарқатувчи Каталониядаги компания - муаллиф), афсуски, такрорий лавҳаларни кўрсатмайди. Сабабларини тушунаман, лекин баъзи нарсаларни айтиб бўлмайди. Мадриддаги ўйинларда ҳамиша тасодифлар бўлади", — деди бошловчилардан бири.

Бундан ташқари, "Реал Мадрид" телеканали "Мунуэра Мадридга зарар етказмоқда" деб таъкидлади. "Ҳар доим бир йўналишда. Ҳар сафар шубҳа туғилса, бу "Реал Мадрид"га қарши талқин қилинади", - дейилади студияда.