"Реал" ярим ҳимоячиси Жуд Беллингем Чемпионлар лигаси гуруҳ босқичининг 4-турида португалиялик "Брага"га қарши ўйинда майдонга қайтиши керак. Бу ҳақда Marca хабар бермоқда.
Манба берган хабарга кўра, Беллингемнинг кечаги "Райо Вальекано"га қарши ўйинда елкасидан олган жароҳати жиддий бўлмаган. Бироқ англиялик футболчи тез орада кўрикдан ўтади ва унинг давомида тиббий ходимлар жароҳатнинг ҳолатини аниқлайди.
Беллингем Испания чемпионатининг жорий мавсумида 10 та гол урди ва 2 та голли узатмани амалга оширди. 20 ёшли Жуд Ла Лиганинг энг яхши тўпурари ҳисобланади.
