Мадриднинг “Атлетико” клуби бош мураббийи Диего Симеоне ҳали клуб билан янги шартнома борасида келишиб олгани йўқ.
Яқинда ОАВда тарқалган миш-мишларга кўра, аргентиналик мутахассис "Атлетико"нинг шартномани узайтириш таклифига аллақачон рози бўлган. Эслатиб ўтамиз, бош мураббийнинг амалдаги шартномаси мавсум охирида якунига етади.
"Ўсишда давом этиш учун барқарорлик керак, барқарорлик учун эса натижалар керак. Симеоне бу тушунчаларни ифодалайди. Умид қиламанки, биз унинг шартномасини уч йилга узайтирамиз. Ҳозирча келишув йўқ, лекин биз тўғри йўлдамиз" - деди "Атлетико" бош директори Мигель Анхель Хиль Марин RTVE телеканалига берган интервьюсида.
