«Реал»нинг франциялик ярим ҳимоячиси Эдуардо Камавинга клуб билан 2029 йилгача янги шартнома имзолади. Бу ҳақда «Реал Мадрид» матбуот хизмати хабар берди.

20 ёшли Камавинга икки йил аввал Франциянинг «Ренн» клубидан «қироллик клуби» сафига келиб қўшилганди.

Трансфер суммаси 40 миллион еврони ташкил этди. Дебют мавсуми якунида Эдуардо мадридликларга Испания чемпионати, мамлакат Суперкубоги ва Чемпионлар лигасини ютишда ёрдам берди.

Жорий мавсумда Эдуардо Камавинга Испания Ла Лигасида Карло Анчелотти жамоаси сафида 12 та ўйинда майдонга тушди ва самарали ҳаракатларни қайд этмади.

Мадриднинг «Реал» клуби ички чемпионатнинг 12-туридан сўнг, пешқадам «Жирона»дан икки очко ортда қолиб, турнир жадвалида иккинчи ўринда бормоқда.