"Барселона" қанот ҳимоячиси Маркос Алонсо 2024 йилнинг ёзида каталонияликлар сафини тарк этиши мумкин.
Инсайдер Жек Талбот хабарига кўра, 32 ёшли футболчи ҳозирда "Атлетико" билан музокаралар олиб бормоқда. У келаси йил ёзда, "Барса" билан шартномаси якунланганидан сўнг "матрасчилар" сафига бориб қўшилиши мумкин.
Эслатиб ўтамиз, Алонсо 2022 йилнинг ёзида "Челси"дан эркин агент мақомида "Барселона"га ўтганди. У бу мавсумда 6 та ўйинда иштирок этди.