Ориоль Ромеу "Барселона"нинг "Шахтёр"дан учралган мағлубиятидан (0:1) хафа бўлди.
“Оғир мағлубият. Биз Чемпионлар Лигаси плей-офф босқичига чиқишни кафолатламоқчи эдик, аммо бу амалга ошмади. Биз яхшиланишимиз ва рақибларимизга камроқ имкониятлар тақдим этишимиз керак. Биз ечим излашимиз керак, чунки бу муаммолар бизга қимматга тушмоқда.
Ўйин қийин бўлди, "Шахтёр" ҳимояда яхши ўйнади, шунинг учун бизга қийин бўлди. Рақиб биринчи бўлимда гол уришга муваффақ бўлди ва бу уларни руҳлантирди.
Ҳар бир мағлубият огоҳлантиришдир. Биз ўзимизни танқид қилишимиз ва уни тезда тузатиш учун нимада хатолик борлигини аниқлашимиз керак, - деди "Барселона" ярим ҳимоячиси.
