Relevo хабарига кўра, «Сельта» ҳужумчиси Яго Аспас Ла Лиганинг 12-турида «Севилья»га қарши ўйинда (1:1) ВАР мониторини йиқитгани учун жазоланмайди.

Манбага кўра, бу воқеа ўйин бош ҳаками томонидан протоколда қайд этилмаган ва ҳакамлар техник қўмитаси Аспаснинг ҳаракатлари устидан расмий шикоят киритмаган.

Эслатиб ўтамиз, 4 ноябрь куни «Сельта» – «Севиля» учрашувининг 90+7-дақиқасида бош ҳакам Алехандро Эрнандес Эрнандес «Севилья» дарвозасига пенальти белгилади.

ВАР бўйича ҳакамнинг маслаҳатидан сўнг, бош ҳакам эпизоднинг такрорини томоша қилди ва кейин пенальтини бекор қилди.

Бу қарор Аспасга маъқул келмади ва у ғазабланган ҳолда ВАР мониторини ерга улоқтирди.