«Милан»нинг собиқ ҳимоячиси Алессандро Костакурта швециялик собиқ ҳужумчи Златан Ибраҳимовичнинг жамоага қайтиши мумкинлиги ҳақида гапирди.
Златан ўзига хос мотивацион мураббийга айланиши кутилмоқда, у ўтган йилларда клуб футболчиси бўлганида жуда яхши ишлаган. Аммо Костакурта бундан яхши нарса чиқишига ишонмайди.
«Бу «Милан» учун фундаментал аҳамиятга эга бўлади деб ўйламайман. Унинг клубда нима қилишини билмайман.
Мураббийга футболчилар учун ёрдамчи-мотиватор керак бўлса, бу мураббийнинг камчилигидек кўринади. Шунинг учун, менимча, Пиолига бундай нарса керак эмас», - дея Костакуртанинг сўзларини келтиради pianetamilan.it.
