"Ювентус" ўзининг расмий сайти орқали ярим ҳимоячи Мануэль Локателли билан шартнома узайтирилганини эълон қилди. 25 ёшли футболчи 2028 йилнинг ўрталарига қадар мўлжалланган шартнома имзолади.
Локателли "Ювентус"да 2021 йилнинг ёзидан буён ўйнамоқда. Ўшандан бери ярим ҳимоячи Турин клуби сафида 103 та расмий ўйин ўтказиб, ўз ҳисобига 4 та гол урган ва шерикларига 8 та голли узатма берган.
Айни дамда “Ювентус” Италия чемпионати турнир жадвалида иккинчи ўринни эгаллаб турибди. Массимилиано Аллегри шогирдлари пешқадам “Интер”дан икки очко ортда қолмоқда.
