Лиссабоннинг “Бенфика” клуби тўрт турдан сўнг Чемпионлар лигасида ҳақиқий ҳалокатга учради – жамоа Европадаги энг нуфузли клублар ўртасидаги футбол турнирида курашни давом эттириш имкониятини аллақачон йўқотиб бўлди. Улар гуруҳда бирорта ҳам очко ололмади, жамоа битта гол урди ва ўз дарвозасидан 7 та гол ўтказиб юборди.
Жамоанинг ўтган мавсумдаги ўйинини эслаб, “Бенфика” гуруҳда биринчи ўринни эгаллаб, чорак финалга қадар етиб борганини ҳисобга олсак, бу ажабланарли. Бундан ҳам ҳайратланарлиси, бу ҳодиса биринчи саватга туширилган клуб билан содир бўлмоқда. Турнир тарихида биринчи поғонадан чиққан жамоа бундай аянчли натижаларга эришмаган эди.
