Туркиянинг “Галатасарой” клуби ярим ҳимоячиси Тангуй Ндомбеле тез орада ўзининг жамоаси “Тоттенхэм”га қайтиши мумкин.
Гап шундаки, 26 ёшли футболчи жамоа устози Окан Бурук билан жанжаллашиб қолган. Аввалроқ Ндомбеле гамбургер туфайли жамоадан четлаштирилгани ҳақида хабар берилганди.
Super Haber хабарига кўра, турк клуби "шпорлар" вакиллари билан Ндомбеленинг ижара шартномасини бекор қилиш бўйича музокараларни бошлаб юборган. Қайд этилишича, “Галатасарой” ярим ҳимоячини январда қайтариб юбормоқчи.
Жорий мавсумда франциялик футболчи барча турнирларда еттита ўйин ўтказиб, гол ура олмади.
