Мюнхеннинг "Бавария" клуби "Аделаида Юнайтед"нинг 17 ёшли вингери Нестор Иранкунда билан шартнома имзоламоқда, дея хабар беради инсайдер Фабрицио Романо.
Манбага кўра, австралиялик футболчи 2024 йилда немис клубига ўтиши кутилмоқда. Томонлар Иронкунданинг 3 миллион фунт (3,4 миллион евро) ва қўшимча бонуслар эвазига трансфери бўйича оғзаки келишиб олдилар.
Иранкунда "Аделаида" асосий жамоасида 39 та ўйинда майдонга тушиб, 9 та гол урди ва 2 та голли узатмани амалга оширди. Transfermarkt портали футболчининг нархини 350 минг еврога баҳоламоқда.













