«Челси» бош мураббийи Маурисио Почеттино ҳужумчи Николас Жексондан ҳали ҳам кўпроқ нарсани кутишини айтди.

23 ёшли футболчи мавсум бошида кўрсатган ўйини учун жиддий танқидларга учраган бўлсада, «Тоттенхэм»га қарши ўйинда (4:1) хет-трик қайд этишга муваффақ бўлди.

«Жексон ривожланишда давом этмоқда. Мен у ҳақидаги фикримни ўзгартирмаганман. У учта гол урди, аммо олтита гол уриши керак эди.

Вақт ўтиши билан у асабийлашишни тўхтатади ва ўйинларга бошқача муносабатда бўлишни бошлайди.

У тинчланиши, хотиржам бўлиши керак. Шунда кўпроқ гол ура олади», - дея Почеттинонинг сўзларини келтиради инсайдер Фабрицио Романо.