Ҳужумкор ярим ҳимоячи Маттео Политано "Наполи" билан ҳамкорликни узайтиришга яқин турибди, бу ҳақда журналист Николо Скира ижтимоий тармоқлар орқали хабар берди.
Инсайдернинг хабар беришича, яқин кунларда клуб раҳбарияти футболчининг агенти билан учрашув ўтказади ва унда янги шартноманинг барча тафсилотлари келишиб олинади. Политанонинг ўзи ҳам "Наполи"да қолиш истагини билдирди.
Италия чемпионатининг жорий мавсумида 30 ёшли вингер 11 та ўйин ўтказиб, 5 та гол ва 3 та голли узатмани амалга оширди. Томонлар ўртасидаги амалдаги шартнома 2025 йилнинг ёзида якунига етади.
