Италия чемпионатининг 12-турида “Интер” “Фрозиноне”ни мағлуб этиб, А Серия турнир жадвалида пешқадамликни қўлга киритди. Учрашувдаги биринчи голни қирқ метрга яқин масофадан ажойиб зарба йўллаб, тўпни дарвоза устидан ташлаб қўйган Федерико Димарко киритди. Ўйиндан сўнг у ўз голини қуйидагича изоҳлади:
"Дензелга қарадим, пас бериш ҳақида ўйладим, лекин кейин кўрдимки, дарвозабон ўз жойидан жуда узоққа чиқиб кетди ва зарба бердим. Тўп жуда яхши учиб борди. Балки менинг энг яхши голларимдан бири бўлса керак", - деди футболчи fcinter1908.it билан суҳбатда.
Кейинги турда “Интер” “Ювентус”га қарши баҳс олиб боради.
