Италия терма жамоаси бош мураббийи Лучано Спалетти Евро-2024 саралаш босқичи доирасида 17 ноябрь куни Шимолий Македония ва 20 ноябрь куни Украинага қарши ўтказиладиган ҳал қилувчи ўйинлар ҳақида фикр билдирди.
"Агар таркиб ҳақида гапирадиган бўлсак, келинг, Шимолий Македонияга қарши ўйинда ғалаба қозониб, кейин ўзгаришлар ҳақида ўйлаймиз. Албатта, Украина олдидан ўзгаришлар бўлади, биз қисқа вақт ичида иккита ўйин ўтказамиз.
Қўрқувми? У биз билан, у ҳеч қаерга кетмайди, лекин буларнинг барчасини биргаликда енгамиз. Биз мағлуб бўлган Англияга қарши сўнгги ўйинда кўп ижобий нарсаларни кўрдим. Уларни сақлаб қолиш керак", - деди Спалетти.
Жадвалда Англия терма жамоаси Евро-2024га чиқишни кафолатлаган, Италия ва Украина эса иккинчи ўрин учун курашмоқда. Ребров шогирдлари ҳисобида 13 очко бор, Италия эса 3 очко ортда қолмоқда, аммо Шимолий Македонияга қарши ўйин бор.
