"Арсенал" ярим ҳимоячиси Мартин Эдегорда сон қисмидан кичик жароҳат олган, аммо норвегиялик футболчи бошқа сабабга кўра "Ньюкасл" ва "Севилья"га қарши ноябрдаги ўйинларни ўтказиб юборгани маълум бўлди. Daily Mail хабарига кўра, "канонирлар" сардори бу ўйинларда мия чайқалиши туфайли майдонга тушмаган - машғулот вақтида Эдегорнинг юзига тўп кучли зарб билан теккан.

Қайд этилишича, мия чайқалиши баённомасида футболчи олти кунни ўтказиб юбориши керак, агар аломатлар йўқолса, шундан кейингина у яна сафга қайтиши мумкин. Натижада, Эдегор ўтган ҳафта охирида "Бёрнли"га қарши ўйинни ҳам ўтказиб юборди.

Мартин Норвегия терма жамоаси йиғинига бормаяпти, бироқ бунга сон қисмидаги жароҳат сабаб бўлган. Ярим ҳимоячи терма жамоадаги танаффусдан кейин тайёр бўлиши кутилмоқда.