Дермот Галлахернинг фикрича, «Челси»га қарши ўйинда Эрлинг Холандга нисбатан белгиланган пенальти тўғри бўлган.
«Манчестер Сити»нинг АПЛ доирасида «Челси»га қарши ўйиндаги (4:4) биринчи голи пенальтидан киритилди.
Бош ҳакам Энтони Тейлор Марк Кукурелья Эрлинг Холанднинг либосини тортиб, қоидабузарлик қилган деб ҳисоблади.
«Агар сиз ён томондан қарасангиз, уни кўрмаслик мумкин эмас. Иккаласи ҳам бир-бирларини ушлади, Марк қўйиб юбормади ва рақибини пастга тортди. Ҳакам нима учун бундай қарорга келганини тушуниш мумкин. Ёрдамчи ҳакам яхшироқ кўрган ва буни ҳакамга тасдиқлаган. ВАР буни ҳеч қачон бекор қилмайди», — деди Премьер-лиганинг собиқ ҳаками.
