«Атлетик Билбао» ҳужумчиси Нико Уильямснинг агенти мижози билан боғлиқ вазият ҳақида гапирди.
Эслатиб ўтамиз, Испания терма жамоасининг ёш футболчиси ҳали басклар билан шартномани узайтиргани йўқ.
«Менинг мижозимнинг шартномаси мавсум охирида тугайди, буни унутманг. «Атлетик» узоқ вақтдан бери Нико нимани хоҳлашини билади, аммо бизда ҳали ҳам шартномани узайтириш бўйича таклиф йўқ. Биз ҳали ҳам кутмоқдамиз», - дея агентнинг сўзларидан иқтибос келтиради журналист Фабрицио Романо.
Жорий мавсумда 21 ёшли Уилямс Испания чемпионатининг 10 та учрашувида 1 гол ва 5 та голли узатмани амалга оширди.
