"Манчестер Сити"нинг ўнг қанот ҳимоячиси Рико Льюис Пеп Гвардиола билан ишлаш ҳақидаги таассуротлари билан ўртоқлашди.
18 ёшли футболчи ўтган йилнинг август ойида "шаҳарликлар" асосий таркибида дебют қилганди. Жорий мавсумда англиялик ўнта учрашувда иштирок этиб, иккита голли узатмани қайд этди.
“Гвардиола ҳақиқий перфекционист, у бир сонияни ҳам вақтни беҳуда сарфламайди. Машғулотлар давомида у яхшиланиши мумкин бўлган ҳар қандай ньюансни, ҳар қандай тафсилотни - унга етарлича яхши бўлмаган нарсаларни қайд этади. У ҳеч нарсани ўтказиб юбормайди", - деди ҳимоячи.
