Франция терма жамоаси бош мураббийи Дидье Дешам Вильям Салибанинг терма жамоадаги ўрни ҳақида ўз фикрлари билан ўртоқлашди.
22 ёшли ҳимоячи ўтган мавсумдан буён ўзини Лондоннинг "Арсенал" жамоасининг асосий ўйинчиларидан бири сифатида кўрсатиб келмоқда, аммо барибир терма жамоанинг асосий таркибидан жой ололмаяпти.
"У ўз клубида яхши ўйин кўрсатади, лекин терма жамоада ҳар доим ҳам қулай ҳолатда эмас. “Арсенал”да у психологик жиҳатдан анча қулай – у ерда у ҳар бир учрашувда майдонга тушишини билади. Унинг терма жамоадаги ўрнига бошқа кўплаб футболчилар даъвогарлик қилмоқда, бу эса унга қўшимча босим ўтказади. Аммо Вильямда кейинги қадамни ташлаш учун ҳамма нарса бор", - дея Дешам сўзларини келтиради RMC Sport.
