"Лацио" вингери Педро Родригес "Барселона"нинг ҳозирги даражаси ҳақида ўз фикрлари билан ўртоқлашди.
Испаниялик тажрибали вингер ўз фаолиятини Каталония клубида бошлаган, 2015 йилда "Челси"га ўтгунга қадар у ерда ўйнаган.
"Ўйлайманки, клуб қийин иқтисодий вазиятни ҳисобга олган ҳолда яхши ишламоқда. Жамоада жуда иқтидорли, катта салоҳиятга эга ёш футболчилар бор - масалан, Гави, Ламин Ямал, Педри, Алехандро Бальде, Рональд Араухо. Келгуси йилларда улар "Барселона"нинг таянчини шакллантиришлари керак", - дея 36 ёшли футболчининг сўзларини келтиради Mundo Deportivo.
Педро, шунингдек, аввалроқ хабар қилинганидек, футболчилик фаолиятини якунлашдан олдин "Барселона"га қайтишдан хурсанд бўлишини тан олди.
