"Милан" бош мураббийи Стефано Пиоли яқин орада истеъфога чиқарилиши даргумон.
“Россонерлар” қатор муваффақиятсизликларни бошдан кечирмоқда – сўнгги олти ўйинда атиги битта ғалаба, учта мағлубият ва иккита дуранг. Бироқ, Calciomercato нашрининг янгиланган ҳисоботига кўра, Пиоли ҳозирда истеъфога чиқиш хавфи остида эмас. Шу билан бирга, клуб жамоанинг жароҳатлар билан боғлиқ муаммолари моҳиятини ўрганиш ниятида - футболчиларнинг жисмоний тайёргарлиги учун масъул бўлган ходимлардан бири ишдан бўшатилиши эҳтимоли бор.
“Милан” А Сериянинг 12-туридан сўнг пешқадам “Интер”дан 8 очко ортда қолган ҳолда учинчи ўринда бормоқда. 25 ноябрь куни Стефано Пиоли шогирдлари ўз майдонида "Фиорентина"ни қабул қилади.
