"Атлетико Мадрид" бош мураббийи Диего Симеоне Мадрид клубида ўз ворислари сифатида кўрмоқчи бўлган учта мураббий номини айтди.
"Бу энг яхшиларидан бири бўлиши керак. Юрген Клопп, Карло Анчелотти, Маурисио Почеттино... Булар мен "Атлетико"да кўришни истаган мураббийлар.
Анчелотти билан жуда яхши муносабатдаман. Мен у билан дўст эмасман, лекин муносабатларимиз яхши. Ҳурмат - мана бу бошқа гап", - деди Симеоне Cadena SER билан суҳбатда.
53 ёшли аргентиналик яқинда "Атлетико" билан шартномасини 2027 йилнинг 30 июнига қадар узайтирди. У 2011 йилдан буён жамоани бошқариб келмоқда.
