Америка футбол федерацияси сешанба куни Эмма Хейзни АҚШ аёллар терма жамоасига мураббий этиб тайинлаганини эълон қилди. 47 ёшли англиялик мутахассис "Челси" билан 2023/24 йилги мавсумни якунлаганидан сўнг жамоани бошқаради.

У 2024 йилги Олимпиада бошланишига икки ой қолганда Америка жамоасига қўшилади. Париж ўйинлари олдидан америкалик аёллар Хейз қўл остида тўртта ўйин ўтказишади: иккитаси июнда ва иккитаси июлда.

Ҳозирда АҚШ терма жамоасининг вақтинчалик бош мураббийи бўлиб ишлаётган Твила Килгор ўз ишини бажаришда давом эттиради ва кейин Хейзнинг ёрдамчисига айланади.