Туриннинг «Ювентус» клуби ҳужумчиси Федерико Кьеза ҳали ҳам жамоаси билан шартномасини узайтиришдан йироқ.
La Gazzetta dello Sport хабарига кўра, томонлар ўртасидаги музокаралар секин кетмоқда.
Манбанинг хабар беришича, «Ювентус» спорт директори Кристиан Жунтоли Кьезанинг агенти билан яхши муносабатда, бироқ бу омил ҳалигача томонларга янги шартнома бўйича келишувга эришишга ёрдам бермаган.
Эслатиб ўтамиз, Кьезанинг «Ювентус» билан амалдаги шартномаси 2025 йилнинг ёзида якунига етади.
26 ёшли футболчига аввалроқ Англия премьер-лигаси клублари, жумладан, «Ливерпуль» жиддий қизиқиш билдирганди.
