Turinning «Yuventus» klubi hujumchisi Federiko Kyeza hali ham jamoasi bilan shartnomasini uzaytirishdan yiroq.
La Gazzetta dello Sport xabariga ko‘ra, tomonlar o‘rtasidagi muzokaralar sekin ketmoqda.
Manbaning xabar berishicha, «Yuventus» sport direktori Kristian Juntoli Kyezaning agenti bilan yaxshi munosabatda, biroq bu omil haligacha tomonlarga yangi shartnoma bo‘yicha kelishuvga erishishga yordam bermagan.
Eslatib o‘tamiz, Kyezaning «Yuventus» bilan amaldagi shartnomasi 2025 yilning yozida yakuniga yetadi.
26 yoshli futbolchiga avvalroq Angliya premyer-ligasi klublari, jumladan, «Liverpul» jiddiy qiziqish bildirgandi.
