"Астон Вилла", "Ливерпуль" ва "Вест Хэм Юнайтед" бу мавсумда энг яхшиланган жамоага айланди. Агарда бу жамоаларнинг ҳозирги ва ўтган мавсум, 12 туридаги натижаларига назар ташласангиз, буни яққол сезасиз. Масалан, ўтган мавсумнинг айни шу қисмида "Астон Вилла" Стивен Жеррард бошчилигида хавфли зонада бораётганди. 12 ой ўтгач, Унаи Эмери бирмингемликларни турнирнинг энг барқарор жамоаларидан бирига айлантирди.
"Ливерпул"да бўлган ўзгаришларни ҳам юқори баҳолаш мумкин. Мерсисайдликлар ўтган мавсумнинг сўнгги қисмига келибгина натижаларини яхшилай олганди холос. Аммо бу ЕЧЛ йўлланмаси учун етарли бўлгани йўқ. Ҳозир ҳаммаси ўзгарди. Янги футболчилар билан Клопп яна АПЛ чемпионлиги учун даъвогар жамоа туза олди.
Ҳайратланарлиси шундаки, "Тоттенхэм"нинг натижаларини таққослаганимизда, шу нарса маълум бўлдики, бу клубда унчалик ҳам фарқ катта эмас. Ваҳолангки, бу мавсум Постекоглу шогирдлари фантастик старт намойиш этиб беришди. Икки мавсумда "шпорлар" бир хил урилган голлар кўрсаткичига эга. Аммо Конте жамоаси Постекоглуникидан биттага кўп гол ўтказган. Нима бўлган тақдирда ҳам Конте давридагига қараганда, ҳозирги "Тоттенхэм" анча яхшироқ. Харҳолда, буни еврокубоклардан бутунлай бебаҳра қолиб кетадиганга ўхшамайди.
"Ноттингем"да ҳам худди "Тоттенхэм" каби яхшиланиш кузатилган. Купер жамоаси ўтган мавсум ўрталарида жадвалнинг анча пастида эди. Бу нарса мавсум охирига қадар сақланиб қолганини алоҳида таъкидлаш жоиз.
Деярли ўзгаришсиз қолган жамоалар сафида "Арсенал", "Брайтон", "МЮ", "Манчестер Сити" ҳамда "Ньюкасл"лар бор. Уларнинг барчаси нари-бери 3 очко фарқ қайд этган.
"Эвертон", "Вест Хэм" ва "Вулвз"ларда вазият яхшиланган бўлса, "Челси", "Фулхэм" ва "Борнмут"да бунинг аксини кўриш мумкин.
Қуйида сизга жамоалар ва уларнинг икки мавсумдаги таққослама жадвали тақдим этилади.
1. "Ман Сити"
Очко ‐ +1
Голлар - -8
Ўтказилган голлар - -1
Ўрин ‐ +1
2. "Ливерпуль"
Очко ‐ +7
Голлар - +3
Ўтказилган голлар - -2
Ўрин ‐ +6
3. "Арсенал"
Очко ‐ -3
Голлар - -3
Ўтказилган голлар - -3
Ўрин ‐ -2
4. "Тоттенхэм"
Очко ‐ +3
Голлар - =
Ўтказилган голлар - -1
Ўрин ‐ -1
5. "Астон Вилла"
Очко ‐ +14
Голлар - +20
Ўтказилган голлар - 0
Ўрин ‐ +9
6. "Манчестер Юнайтед"
Очко ‐ 0
Голлар - -5
Ўтказилган голлар - -2
Ўрин ‐ +1
7. "Ньюкасл"
Очко ‐ -1
Голлар - +4
Ўтказилган голлар - +3
Ўрин ‐ -2
8. "Брайтон"
Очко ‐ -2
Голлар - +8
Ўтказилган голлар - +10
Ўрин ‐ -7
9. "Вест Хэм"
Очко ‐ +6
Голлар - +11
Ўтказилган голлар - +5
Ўрин ‐ +6
10. "Челси"
Очко ‐ -5
Голлар - +5
Ўтказилган голлар - +4
Ўрин ‐ -4
11. "Брентфорд"
Очко ‐ -1
Голлар - -1
Ўтказилган голлар - =
Ўрин ‐ -1
12. "Вулвз"
Очко ‐ +6
Голлар - +11
Ўтказилган голлар - +4
Ўрин ‐ +6
13. "Кристал Пэлас"
Очко ‐ +1
Голлар - -1
Ўтказилган голлар - +1
Ўрин ‐ -2
14. "Эвертон"
Очко ‐ +4
Голлар - +6
Ўтказилган голлар - +1
Ўрин ‐ +3
15. "Ноттингем Форест"
Очко ‐ +7
Голлар - +6
Ўтказилган голлар - -7
Ўрин ‐ +6
16. "Фулхэм"
Очко ‐ -6
Голлар - -11
Ўтказилган голлар - -1
Ўрин ‐ -7
17. "Борнмут"
Очко ‐ -4
Голлар - +1
Ўтказилган голлар - +2
Ўрин ‐ -4.
ИСМАТОВ Ж.
