«Барселона» ҳужумчиси Ферран Торрес яқин келажакда клубини ўзгартириши мумкин. Fichajes хабарига кўра, футболчи АПЛга қайтиши мумкин - унга «Ньюкасл» қизиқиш билдирмоқда.
Қайд этилишича, агар молиявий томондан тўғри таклиф тушса, «Барселона» Торресни сотишга тайёр бўлиши мумкин. Гап шундаки, «Камп Ноу» раҳбарияти 23 ёшли форварднинг ўйинидан норози. 2023/2024 йилги мавсумда 16 та ўйинда Торрес 5 та гол урди ва шериклари учун иккита голли узатмани амалга оширди.
Ферран Торрес аввалроқ Англияда «Манчестер Сити»да ўйнаган. Transfermarkt портали форвардни 35 миллион еврога баҳоламоқда.
