"Манчестер Сити" ва Португалия терма жамоаси ярим ҳимоячиси Матеус Нунес жароҳати туфайли терма жамоа ихтиёрини тарк этди, деб хабар бермоқда Фабрицио Романо ижтимоий тармоқларида. Инсайдер жароҳат тафсилотларини ошкор этмади, бироқ ёш футболчи машғулотлар вақтида жароҳат олганини таъкидламоқда.
Эслатиб ўтамиз, Нунеснинг бўлажак Португалия ўйинларида ўйнаш учун яхши имкониятлари бор эди, чунки Роберто Мартинес жамоаси октябрь ойида расман биринчи ўринда Евро-2024 йўлланмасини қўлга киритган эди. Бўлажак ўйинларда Португалия терма жамоаси Лихтенштейн ва Исландия терма жамоаларига қарши майдонга тушади.
25 ёшли марказий ярим ҳимоячи жорий мавсумда “шаҳарликлар” сафида 12 та ўйин ўтказиб, 2 та голли узатмани амалга оширди.
