Суперлиганинг навбатдаги тур баҳсига қизғин тайёргарлик кўраётган "Нефтчи" бугун халқаро ўртоқлик ўйинида Тожикистоннинг "Эсхата" клуби билан майдонда ўзаро куч синашди. Таъкидлаш жоиз, бугунги рақиблар ёзги танаффус пайтида илк бор Фарғонада юзлашишган бўлиб, мазкур учрашув 4:0 ҳисобида фарғоналиклар фойдасига ҳал бўлган эди.
Бугунги беллашув ҳам тўлиқ мезбонлар устунлигида ўтди. Ўйинда ҳисоб 30-дақиқада Ғулом-Ҳайдар Ғуломовнинг олисдан йўллаган кучли зарбаси орқали очилди 1:0. Кўп ўтмай навбатдаги комбинацион ҳужум амалга ошгач, "Нефтчи"нинг грузиялик легионери меҳмонларнинг қуршовида тўпни эгаллаб олиб дарвозани аниқ нишонга олди 2:0. Шундан сўнг "йўлбарслар"да дарвозани ишғол этиш учун бир нечта қулай имконият пайдо бўлганига қарамай танаффусга қадар ҳисоб ўзгаришсиз қолди.
Иккинчи бўлимда Левченко таркибда ўзгаришларни амалга ошириб, ёш ўйинчиларни майдонга туширди ва бу ўзгаришлар тез орада ўз мевасини берди. Улуғбек Хошимов тезкор ҳужумлардан унумли фойдаланиб, кетма-кет иккита тўп киритиб, ҳисобни йирик 4:0 кўринишига олиб чиқди. Киритилган голлардан сўнг жамоанинг ҳужумкорлиги давом этган паллада саҳнага ёш иқтидор эгаси Дониёр Валиев кириб келди. Чап қанотдан Иззатилла Абдуллаев томонидан катта тезликда ташкил этган ҳужуми ва ҳаволатиб ошириб берган узатмасига Дониёр Валиев баланд сакраган ҳолда боши билан чиройли тарзда тўпни дарвоза тўрига жойлаб қўйди 5:0.
Учрашув якунига қадар фарғоналикларда дарвозани ишғол этиш учун кўплаб қулай имкониятлар яратилди, лекин ушбу вазиятлардан футболчилар самара топа олишмади ва йирик 5:0 ҳисоби ўзгаришсиз қолди.
ХАЛҚАРО ЎРТОҚЛИК УЧРАШУВИ.
15:00 "Истиқлол" стадиони
"НЕФТЧИ" (Ўзбекистон) 5:0 "ЭСХАТА" (Тожикистон)
Голлар: Ғуломҳайдар Гулямов 30 1:0, Георгий Никабадзе 33 2:0, Улуғбек Хошимов 46 3:0, Улуғбек Хошимов 51 4:0, Дониёр Валиев 66 5:0.
Ҳакамлар: Олим Тўйчибоев, Шохрух Аъзамов, Шахбоз Вахобжонов.
"Нефтчи" биринчи бўлимда:
12.Владимир Назаров, 21.Мухсин Убайдуллаев,
20.Анвар Ғофуров, 26.Алексей Ларин, 7.Умар Адхамзода (Дониёр Валиев), 19.Мирзохид Ғофуров (с), 24.Ғуломҳайдар Гулямов, 23.Диёр Туропов, 70.Аббос Ғуломов, 77.Билолхон Тошмирзаев, 22.Георгий Никабадзе( Улуғбек Хошимов 40)
"Нефтчи" иккинчи бўлимда:
45.Акбар Тўраев(с), 26.Алексей Ларин(Бачана Арубули 70), 14.Раҳмонжон Рўзиев, 5.Томислав Мрчела, 10.Суннатилла Абдуллажонов, 17.Абдуллоҳ Олимов, 28.Фозил Мусаев, 11.Иззатилла Абдуллаев, 9.Улуғбек Хошимов, 24.Ғуломхайдар Ғуломов (Нодирхон Неъматхонов 70), 66.Дониёр Валиев.
Бош мураббий: Виталий Левченко
