"ПСЖ" ҳужумчиси Уго Экитике айни дамда Англия Премьер-лигасининг учта клубининг радарида. Журналист Адриен Греньернинг хабарига кўра, франциялик футболчига "Ньюкасл", "Вест Хэм" ва "Кристал Пэлас" клублари қизиқмоқда.
Эслатиб ўтамиз, Экитике жорий мавсумда Луис Энрике бошчилигида мунтазам ўйин амалиётига эга бўлмаяпти, шу сабабли футболчи январдаги трансфер ойнасида жамоани тарк этишни жуда истамоқда.
Шу кунгача Экитике жорий Франция чемпионатида фақат битта ўйин ўтказган. Ёзда Уго Франкфуртнинг “Айнтрахт”ига ўтиши мумкин эди, бироқ келишув амалга ошмай қолди.
