ФИФА "Реал Мадрид"га ярим ҳимоячи Эдуардо Камавинга Франция терма жамоаси таркибида олган жароҳати учун товон пули тўлайди.
Журналист Хосе Феликс Диаснинг хабар беришича, 21 ёшли ярим ҳимоячи тиззасидан олган жароҳати сабаб икки ойни ўтказиб юборади. Бунинг учун ФИФА клуб ҳисобига 1 232 880 евро ўтказади.
Манбанинг қайд этишича, бу товон футболчининг тикланиши 28 кундан ортиқ давом этса берилади.
"Реал Мадрид"нинг навбатдаги ўйини 26 ноябрь куни бўлиб ўтади. Ла Лиганинг 14-туридаги рақиби "Кадис" бўлади.