"Тоттенхэм" ярим ҳимоячиси Ив Биссума Антонио Конте билан муносабатлари кескинлашгани ҳақида гапирди.

Италиялик мутахассис "шпорлар"ни 2021 йилнинг ноябрида қабул қилиб олганди. 2022/23 йилги мавсум охирида мураббий клубни тарк этди - шартнома томонларнинг ўзаро келишувига кўра бекор қилинди.

"Мен Контедан кўп қарздорман, чунки унинг ёрдами билан 2022 йилда "Тоттенхэм"га ўтдим. Мен уни доим ҳурмат қилганман, лекин биз футболга бошқача қараганмиз. Ўтмишга назар ташлайдиган бўлсам, ўша мавсумда ҳаммаси дарҳол нотўғри кетди, дейишим мумкинки, мен мавсум олдидан жароҳат олдим, бунинг ўзи кўп нарсани кўрсатиб турибди”, деди “Брайтон”дан 29 миллион еврога сотиб олинган 27 ёшли малилик футболчи.