Нидерландия терма жамоаси бош мураббийи Рональд Куман Евро-2024 саралаш босқичи доирасида Ирландияга қарши ўйин (1:0) натижаларини сарҳисоб қилди.

“Биз ўйинни яхши бошламадик, лекин ажойиб гол урдик. Ўйиннинг қолган қисмида ўзимизни қулай ҳис қилишимиз учун иккинчи ва учинчи голларни уришимиз керак эди. Ирландияга қарши ўйин, Грецияга қарши сафардаги ўйин ҳам жуда муҳим эди. Футболчилар ва жамоада катта босим бор эди, лекин биз буни ҳал қилдик. Биз ўз вазифамизни бажардик ва ғалаба қозондик", - дея Куманнинг сўзларини келтиради УЕФА расмий сайти.