Халқаро футбол тарихи статистикаси қўмитаси клубларнинг янги рейтингини эълон қилди.

Унга кўра, кучли 400 жамоа ичида Ўзбекистоннинг икки жамоаси ўрин эгаллади. Осиё чемпионлар лигасида муваффақиятли иштирок этиб ярим финалга қадар етиб борган «Бунёдкор» бу сафар ҳам кўтарилишга эришди. Декабрь ойи рейтингида 131-ўринда қайд этилган тошкентликлар бу сафар 13 поғона кўтарилиб 118-ўринга чиқиб олишди.

Тошкентнинг «Пахтакор» клуби эса ўтган ой рейтингида 311-ўринни эгаллаб турганди. Бу сафар жамоа 310-312 ўринларни бир йўла уч жамоа билан бўлишиб олишди.

Осиё қитъаси вакиллари «Бунёдкор» 6-ўринни эгаллаб турибди. Улардан олдинда Жанубий Кореянинг «Ульсан Хёндэ», «Поханг Стилерс» ва «Чонбук Моторс», Эроннинг «Истиқлол» ҳамда Саудия Арабистони вакили «Ал-Ҳилол» жамоалари боришмоқда. «Пахтакор» эса бу кўрсаткич борасида анча қуйида.

Умумий рейтингда ҳамон Каталониянинг «Барселона»клуби пешқадамлик қилмоқда. Шу кунгача иккинчи ўринда борган «Атлетико» бу сафар ўрнини «Челси»га бўшатиб берди. Қуйида сиз кучли ўнлик ва вакилларимизнинг эгаллаб турган ўринлари билан танишиб олишингиз мумкин:

1 (1). «Барселона» (Испания)
2 (4). «Челси» (Англия)
3 (3). «Бока Хуниорс» (Аргентина)
3 (2). «Атлетико» (Испания)
5 (8). «Коринтианс» (Бразилия)
6 (5). «Бавария» (Германия)
7 (7). «Реал» (Испания)
8 (14). «Ювентус» (Италия)
9 (17). «Боруссия» Дортмунд (Германия)
10 (10). «Лион» (Франция)
...
118 (131). «БУНЁДКОР» (ЎЗБЕКИСТОН)
...
310 (311). «ПАХТАКОР» (ЎЗБЕКИСТОН).