Ярим ҳимоячи Илкай Гюндоган яқин кунларда Каталониянинг “Барселона” клубини тарк этиши мумкин. Todofichajes журналистларининг фикрига кўра, футболчи жамоадаги ўз позициясидан тўлиқ қониқмаяпти ва шунинг учун бошқа вариантларни кўриб чиқишга тайёр.
Манбанинг хабар беришича, Гюндоганга Туркия чемпионатидан таклиф бор. 33 ёшли германиялик ярим ҳимоячи хизматларига Истанбулнинг “Галатасарой” клуби қизиқиш билдирмоқда.
Илкай ўтган ёзда эркин агент сифатида "Барселона"га ўтган эди. Ярим ҳимоячи "кўк-анорранглилар" билан икки йиллик меҳнат шартномасига имзо чекди. Унинг нархи 20 миллион еврога баҳоланмоқда.
