"Милан"нинг португалиялик ҳужумчиси Рафаэль Леау бир вақтлар унинг оёғини ўпган мухлис ҳақида гапирди. Леаунинг сўзларига кўра, ўша пайтда у ўзини жуда ноқулай ва ғалати ҳис қилган.
"Португалиялик дўстлар билан ресторанда эдик. Чиқиб кетаётганимизда "Милан"нинг бир мухлиси мени пайқаб қолди. У “Рафа, Рафа!” деб бақирди ва кейин оёғимни ўпишини сўради. У тезда тиззаланиб ўтирди ва мен ҳайрон бўлиб турганимда, у менинг кроссовкамдан ўпди. Мен ўзимни жуда ғалати ҳис қилдим, қандай муносабатда бўлишни билмасдим", - деди Леау pianetamilan.it билан суҳбатда.
Леау "Милан"да 2019 йилдан бери ўйнаб келмоқда.
