Ўзбекистон миллий терма жамоаси 6 сентябрь куни Тошкентда Малайзия билан ўртоқлик учрашуви ташкил этишни режалаштириб турибди.
Маълумки, айни пайтда Куала-Лумпурда ҳар мавсум Чемпионлар лигаси турнири олдидан иштирокчи клублар вакиллари ўртасида ташкил этиладиган анъанавий семинар ўтказилмоқда.
Маҳаллий ОАВ вакиллари кузда бўлиб ўтадиган баҳсда Ўзбекистон терма жамоасини Осиёнинг етакчи жамоаси сифатида кўришаётганини таъкидлашмоқда. Ҳамкасбларимизнинг айтишларича, ушбу ўйин Малайзия футболининг ривожланишига катта туртки бўлади.
Ўзбекистонни Осиё етакчилари қаторида кўришаётгани ёқимли албатта. Малайзия билан ўйингача Ўзбекистон терма жамоаси Бразилия-2014 йўлланмасини амалда ҳал қилиб, айнан ўша ўйин мундиалга тайёгарлик босқичини бошлаб беришига ишонгиларимиз келади.
Мирзахаким Тўхтамирзаев,
Куала-Лумпур, Малайзия
