Ҳимоячи Бенжамин Менди "Манчестер Сити" устидан кўп миллион долларлик даъво қўзғатди. Бу ҳақда Sky News хабар бермоқда. Футболчининг сўзларига кўра, клуб унга шартнома бўйича узоқ вақтдан бери маош тўламаган.

2021 йил август ойида Менди жинсий ҳуқуқбузарликда айбланган. Суд деярли икки йил давом этди ва 2023 йилнинг ёзида футболчи барча моддалар бўйича айбсиз деб топилди. Ўшанда Бенжаминнинг "Манчестер Сити" билан шартномаси амалда бўлмаганди.

Бенжамин Менди айни дамда Францияда “Лорьян” жамоасида ўйнамоқда. 2023/2024 йилги мавсумда 29 ёшли ҳимоячи Франция чемпионатида учта ўйин ўтказди.