"Челси" ҳимоячиси Маланг Сарр қишки трансфер ойнасида клубини ўзгартириши мумкин.
TodoFichajes нашри хабарига кўра, "Бетис" 24 ёшли франциялик футболчини январь ойида ижарага олишни режалаштирмоқда. Жамоа бош мураббийи Мануэль Пеллегрини Саррни ўз футболчилари орасида кўрмоқчи.
"Бетис" ёздаёқ Саррни қўлга киритишга уриниб кўрди, аммо музокаралар муваффақиятсиз якунланди. Энди испан клуби "Челси" билан алоқаларни тиклади.
Айтиш жоизки, 2023/2024 йилги мавсумда Маланг Сарр "Челси"да ўйнамаган. Ёзда ҳимоячи "Монако"даги ижара муддати тугагач, Лондон клубига қайтди.
